На 9 Мај во организација на Општина Кочани во ЦК Бели Мугри се одбележа Денот на Европската Унија со пригодна програма. Основните и средните училишта на своите штандови претставија повеќе европски земји. И оваа година нашето училиште се вклучи во одбележување на овој ден, претставувајќи ја државата Белгија, со нејзините знаменитости, обележја, храна и пијалоци. Учесници беа наставниците Антонио Стојанов, Елизабета Зафирова Стојанова, Марија Костадинова и Фиданка Манчова, учениците Љубомир Давитков, Ивона Лазарова, Раде Василков, Елена Илиева, Јована Георгиева, Михаил Малинов и училишниот педагог Марија Филипова.
