На 27.10.2017 година се одржа предавање на тема Здрави навики и во улога на предавач беше родителката Сања Крстева, вработена во Центарот за јавно здравје Кочани. Нејзината работна позиција ја искористивме таа да им објасни на најмалите ученици за тоа колку е важна хигиената и хигиенските навики кои тие ги стекнуваат од најмали нозе, бидејќи сето тоа влијае врз нивниот правилен раст и развој. Стана збор за 5-те најважни здрави навики, за одржување на лична хигиена – миење на лице, заби, раце, како правилно рацете да ги мијат, каква треба да биде нивната исхрана, од што таа треба да се состои, дека е потребно да практикуваат физички вежби и дека им е потребен добар сон и слични корисни информации.
